مـــــــواطن طهقــــــــــــــان
أنا أسمى مواطــــــن أسير مصري التعبـــــان
طــــالب وعندي أُختين بنات وتلات صبيــــان
ماشى مع أربع بنــــات وبحب بنت الجيــــران
أبوها عايــــــز شقـة وشبكة ومهر وفســـتان
حاولت أشتغل وأصرف بـــــدل ما أنا تالفــان
أبويا قـــــالى هتروح تشتغل فين يا فاســدان
لا شهادة ولا واســـــطة ولا إنت من الأعيـان
قلتله هشتغل بمجهـودى زى أى واحد غلبـان
زى ما كـنت بشوف فى الأفلام أيــام زمــــان
نزلت لابس كاجـــــوال ورابط حـــزام الأمــان
و على أول سوبر ماركــــت بالعــــربى دكـان
ضربت واحد شيبسى بالجبنة وعلبة دخــــان
ورحت لشركة بتصدر بقـر وجاموس وخرفان
قلت عايــــز اشتغل عندكـــم دة لو فى الإ مكان
قالوا فــــوت علينا بكــرة وهات كارت ضمـــان
وفاتت سنة وأنا لســـة بحـــب بنت عــم سمعان
وبقالها كــام يــوم بتزن وتقولى كتروا العرسان
قلت لأبوها أتجوز بنتك وخليـــك جنــتل مــان
طردنى بالـذوق وقالى: إنت بتستهبل يا حيـوان
وهو أنا عشان دخلـــت من الباب أبقى غلطــان؟
خلينى بقى قاعـد على قهوة عـم إبراهيم النعسان
ويبقى عـــدانى العيب ولا أنا بستهبل يا جدعــان؟
ليست هناك تعليقات:
إرسال تعليق